La gent da Ca d’Zambar la ringrazia

Di Renata Giovanoli-Semadeni.

Qualci agn fa am vèa fac üna festa parcié ca al Cumün al vèa decis da lasciär la brona, inveci che la sustituir cun üna ciäsina par al rüt, e as vèa torna dac l’aua.

Dua o tre sadmana fa, ün laurant da üna ditta specialisäda da or par al Cantun, l’à sigilaa al dadent da la brona ca la vèa scumanzaa e perdar. L’é stac dree doi dì, e issa la tegn torna pulit.

Er sa par al mument da norza e vaca ca vann là e bear nü an é pü, la brona la vegn anca droväda… I en mia poch i ciclista da passag ca ’s ferman e bear e diversi taglian, ca aprezzan la nossa buna aua fresca e claira, i prufitan par implenir butiglia e butiglia da bear pö e ciäsa sia.

Ma la surpreisa pü bela l’é riväda la sadmana passäda. Sünt al mür alt ca pruteg la brona dal vent e dai sgunflaa, ca ’s forman incura ca ai é tanta neiv, ai era sü asc rota e par part dastacäda. I laurant dal Cumün i lan àn töcia davent al an àn rimplazzäda cun belan ascina növa.

Issa l’enträda dal pais la ’s presenta torna ben e nualtri am à ün gran güst e am disc grazia tant e tüc quii ca ent ün modo o ent l’altar i àn culaburaa.