Al Luglio

Luigi Giacometti, or dal libar Ragord, tun e mazza rama e risc.







L’era nasciüda da lüi, quela ciävra mota, e par quel ai veivan dac quel nom.

Al Tunin e la Giuana i la veivan vandüda quela prümaveira or la Cavrecia el Reto dal Giübert.

Basta, üna bela seira da stät, ci ca riva insemal cun lan ciävra da Cavril? Al Luglio!

L’é giü cià e sü cun la malga tanco ca nagot füss. L’à vultaa vi la stala dal Giacutin e l’é indac vil se lögh. “L’é rivaa al Luglio!” La vusc é corza da stala e stala. Um sé tüc corz e guardär, tanco ca ‘l füss rivaa ün barba or da la Zelanda.

La veiva truaa la sträda ent da Set e da Marozz. “Pora bes-cia”, la geiva la Giuana “casa um al mai da fär?” I l’an tagnida ent ün pair dì, dree l’é giü cià la Valena, la dona dal Reto, cun ‘na fia. “Sem sciaa a tö la cavra”, l’an dic. La guardävan quelan stalina tüt etorn. La Giuana ai à dac ün piat café. Pö l’en stacia sü e l’en indacia cul Luglio ca ‘s fageiva trär dree cufà ün cundanaa. La Giuana as fageiva gió lan larma cul cantun dal se scussäl grisc.

E pö dal Luglio nu ‘s an à plü saü nova.