Ci c’à tema da l’om neir?

Ie intend mia al “Schmutzli” ca cumpagna al Saniculaus. Ie cianc da l’om neir ent al giögh ca ‘m fageiva da fanc sül glac cun i patin.

Ün fanc al stäva sulet sünsom al glac e i altar gionfond. Quel sulet l’era l’om neir e al stravarzäva al glac cantand: “Ci c’à tema da l’om neir?”
I altar i gnivan da l’altra banda e i provävan e passär senza gnir tocaa.

Sa l’om neir al ciapäva varün, quel o quii i veivan d’indär cun lü e i eran oman neir er lur.
Incura ca i oman neir i eran dapü che tre i veivan da ‘s där al man e al giögh al cuntinuäva fin ca tüc i eran ciapaa.
Da solit l’ültim restaa l’era l’om neir da la prossima batüda.

Issa al glac al vegn drovaa tant par fär “Hockey” e ie sà mia sa i fanc i canoscian anca quisto giögh. Magari ca e varün ai vegn vöia da ‘l provär ora…

Renata Giovanoli-Semadeni