Prüm d’agost

Üna puisia par al Prüm d’agost. Patriotica, ma in certi mument as ai vol!






Nu elan bela lan nossa bandiera?
L’en spuntäda par festegiär
al dì da la Patria.
Già da fanc am fagiäva al gir dal pais
par lan guardär.

Dii balcun e gió da lan labia
la pendan
granda e pita,
quädra o lunga.
E cun i öil dii fanc
ie l’an vez anca inciö.

I ponn ben dir,
ca la Svizra l’é al pais
da lan banca e dii afari…
Par ie l’é al pais indu ca
ie sun nasciüda,
indu ca ie à fac spass
cun l’aua e cul sablun
e impreis e veir güsgent la natüra.

Quela bandiera rossa
cun la crusc blanca
l’é ‘l simbul
da libertà e indipendenza
guadagnäda dii noss veil:
gent sinceira
e da bun cor.

Renata Giovanoli-Semadeni