Buna fin e bun principi

Inscìa am salüda inciö in Bargaia la gent c’am incuntra ent la butega o par sträda. Üna volta e Visavran (forza er ent altri pais?) al dreemesdì dal 31 da dicembar i fanc da scola i girävan al pais e i cantävan sünt lan plazza par salüdär l’ann veil e där al benvenuto e l’ann növ.

Sa da Calendamarz i pudäan girär soma i mac, da San Silvestar er lan fia la väan al parmess da partecipär e inscìa al coro l’era pü grand e rich da vusc. Quista tradiziun, pürtrop, l’é sciünäda circa 40 agn fa, dopo l’uniun da lan scola secondaria da Bond, Stampa e Visavran ent ün’ünica scola secondaria da la val.

La canzun l’é in taglian e lan parola (er sa l’én ün zich veila) l’àn ün significato prafond e sempar anca attuale:

Fratelli finito è già l’anno
Volgiamo i pensieri al Signor
E grazie a lui solo rendiamo
Pei grandi suoi beni e favor.

Il vitto, vestito e la vita
Abbiamo da te Creator
Ogni anno ci fosti d’aìta
Lodiam la bontà del Signor.

O Padre, nell’anno novello,
Rimani o rimani con noi
E facci la grazia che in quello,
Vivendo o morendo, siam tuoi.

Buna fin e bun principi e tüc
da la Renata