Bregagliotto, Cultura, Home, a-GRit

La diga dii cispad

8 aprile 2015 1 commento

La diga da Marmorera. Renata Giovanoli-Semadeni.


I bargaiot da la mi generaziun i en crasciü sü cun la diga da l’Albigna e da pit in sü i àn sempar avdü al mür ca tegn indree l’aua par pudeir prodür la corente eletrica. La gent ca vegn da ora as dumanda sa ‘m’à mia tema, ma nualtri am sé talmente düsaa ca am cré e am spera ca al mür al tegna sempar. Er parcié ca ‘s àn rassicüraa tantan volta ca i ingegner i àn fac ün gran bun laureri!

Ent lan famiglia da la val as ciancia da la diga, ma ormai la fa part da la nossa geografia e, avdeir al mür el post da la pisciarota, l’é bel normale.
Üna famiglia bargaiota l’é indacia diversi agn fà e Coira cun cià i se fanc ca väan tra 4 e 8 agn. La mama l’à mossaa la diga da Marmorera e l’à dic ca chilò as à mia d’indär sü cun la teleferica par avdeir al lägh.

Rivaa orincaa al lägh, e scumanzand e passär giò verz Sur, ün dii mac l’à avdü ca davant ai era mia ün mür ma ün praa, indua ca qualcian norza la pasculäan pacifica…
Al mat l’é gnii quiet e seri e dree veir panzaa sü ün mument l’à dic: “Ah, inura chilò, incura ca i àn da lasciär ora ün zich aua, i tiran ora ün cispad!

Renata Giovanoli-Semadeni

La diga da Marmorera

Attualmente c'è un commento

  1. scrive:

    Bella, complimenti Renata

    lisignoli.gianni

Commenta questo articolo








+ 8 = undici