Ma quanta bela neiv
L’é sempar bel, incura ca gió dal ceil al vegn gió tanci bii fioch ligeir e blanch. Sa ‘l cuntinua e fiocär tanco l’altar dì, as forma e plan e plan üna cuerta blanca ca la cuata la campagna e la tegn e cald la tera e lan risc.
Mia par nagot as disc ca sot al gelt ai é fam e sot la neiv ai é pan.
Quii bii pangei, incusa ca ‘i clama al Luigi, i nategian e i pürifican er l’aria. Am sé furtünaa e pudeir respirär ün’aria inscì fresca e sana. Pürtrop mia tüc i àn quista furtüna; specialment ent lan cità granda, indua ca in pü el inquinament da lan fabrica, d’invern i àn er quel dii riscaldament e öli.
La neiv blanca la rend tüt pü clair. Par nualtri, ca ‘m à anca da speciär al sul, al fa üna bela diferenza: al pär dalunga ca i dii sean pü luminus e ca i düran pu lungh.
I fanc e i bes-c is ponn turalär ent la neiv e i schilift da Malögia e da Casacia i dann la pussibilità da passär belan ura dadora in buna cumpagnia.
I veil parò i discian già: “Sperem ca al vegna mia tanco dal 1951!”
Quela volta la neiv la vea esageraa.
Or la Stampa i scolair insemal el maestar Walter Pool i vean trac sü ün cerv stremaa sü da la Maira e il vean mess ent la stala dal Mario Parzenig. Là ai vean dac fegn e aua, fin ca ‘s era rimess in forza e al vea pudü essar lasciaa libar.
Renata Giovanoli-Semadeni
ie scrif du riga in italian:
Dietro al Gusto deve essere Rodolfo Crüzer e vicino mio fratello Gustavo
Il cervo é stato catturato nella maura, sui prati la neve era molto alta e
non poteva correre. Nella maira correva su e giu fino stanco morto
é stato preso in consegna da noi scolari con l’aiuto di alcuni adulti. Questa
foto era davanti la scuola. Dopo é stato messo nella stalla vicino alla casa
di Emilia. E stato nutrito con fieno che bisognava farlo scendere dalla botola
interna del fienile era pericoloso entrare.
Dopo 1 o 2 settimane é stato rilasciato. E stato aperta la porta della stalla
e come un fulmine é uscito, ha detto GRAZIE
vito.ruinelli
Ah sci, grazia Renata!
Silvia Corfu
T’à rasgiun, (Silvia?) l’om e drecia l’é te bap, al Silvio Walther, ma – dree mi mama ca l’era presente – l’aziun l’é stacia urganizzäda dal Walter Pool ca l’era er lü maestar or la Stampa e ca prubabal l’é mia sü la foto, parcié ca ‘l varà fac gió la foto.
Renata
Quela foto al la veiva er me bap, al Silvio Walther ca le quel om ca camina, mia al Walter Pool, ciara Renata.
Altri am per al Gusto, la Renata, la Doranna e l’Annotilia. Quii pit, ie nu sa!
Silvia Corfu
Saralan ingir eltran foto o varün ca sa enca ben cos ca l’era giü cun quel cerv?
elena.giacometti
wow!!! E che cerv!!! L’è propi una belissima foto, la fa propri una grand’impresciun!
giovanoli.sandra