Espusiziun da la Carla Schena e Malögia

Di Renata Giovanoli-Semadeni.


La Carla Schena l’à espost i se quädrin ent la Galaria Maurizio e Malögia.
L’à disegnaa e pitüraa tanci fancin cuntent e tanci bes-cin ca sgolan o caminan daspaira e etorn e lur.

Ent l’Almanacco da l’ann passaa ie vèa podü mentar ent e calur „Bambini che danno da mangiare alle galline“. Quisto quädar as trova issa sünt al placato da la mostra.

Ent al fratemp la Carla l’à fac tanci quädar növ!
Am pläsc tant quel cun lan marmota, lan ronzla, i fancin e lan leivra. Ie trov ca ’l mossa propi ben la prümaveira: lan marmota la vegnan ora dii se böc, lan ronzla la tornan indree dii pais cald e la leivra la rapresenta la Pasqua e la fertilità da la natüra.

Bel l’é er al quädrin cun i fanc ca fann Calendamarz e quel cun lan lümäghina.
Doi i mossan i ciunin cuntent…

Ie vöi mia scrivar trop, ma ie ’v dun al consiglio d’indär e visitär la mostra. L’é everta fin el 6 d’avril, al marculdì, al vendardì e la sanda da lan 16:30 fin e lan 18:00.
L’é espressiun da vita gioiusa, cun tanci bii calur e la difond üna sana alegria.

Renata Giovanoli-Semadeni