a-GRit, Bregagliotto, Cultura, Home

Al cervel da l’om e al cervel da la dona

6 maggio 2016 1 commento

Traduziun da la Renata Giovanoli-Semadeni.

Ie à avdü ün video umoristich, ma ent al listess temp interessant, e ca ‘l cuntegn certan verità, d’ün cabaretist american ca spiega la diferenza trantar al cervel da l’om e quel da la dona e am é gnii l’idea da metar lan si spiegaziun in bargaiot par ca ci ca leg possa fär üna riüda:

Al cabaretist al stà in pé dadree üna testa cun al cranio evert in modo ca ‘s veza al cervel.
L’é al cranio d’ün om e al disc ca l’é fac da tantan scatla: üna par l’auto, üna par i rapan, üna par al laureri, üna par la dona, üna par i fanc… e quistan scatla l’as tocan mia ent!
Sa l’om l’à da dascütar vargot, al zära (brisc) soma quela scatla e al dascüt soma da quel ca l’é ent là.
E la fin al sära la scatla e al guarda ben da mia tocär ent lan altra.

Intant al cabaretist al camina, seri e cun gran rispet, vers la testa da la dona, er quela senza “cuertal”. Prüma che scumanzär la descriziun, as fa al segn da la crusc…
E pö al disc ca ‘l cervel da la dona l’é üna bala da fil ca tegnan tüt culegaa, tanco la superautosträda da l’Internet. Al bel, al disc lü, l’é ca ‘l tüt l’é pilotaa da ün’energia ca ‘s clama emuziun: zzzzzzzz…. zzzzzzz…
Quisto l’é ün dii mutiv ca fann scì ca lan dona la tegnan in ment tüt!

Ei oman quista roba ai interessa mia.
Inveci par lan dona tüt l’é important!

I oman, sagond lü, i àn üna scatla vöida (la si preferida) ca lan dona l’àn mia.
Sagond lü, l’é par quel, ca i rivan da fär roba tanco indär e pascär…, parcié ca là, as à mia da panzär… e malgrado quist, i oman i rivan da cuntinuär e fladär!…

Lan dona la rivan mia dal fär: la cuntinuan e panzär… zzzzz… zzzzz…
… E la capiscian mia la scatla vöida.
… E nagot ai fa pü fastidi che avdeir ün om ca fa nagot!

Traduziun da la Renata Giovanoli-Semadeni

PS. Scüsa Luigi, ie sà ca tü e lan parsuna dal te temp u gessas cirvel.

Attualmente c'è un commento

  1. Renata Giovanoli-Semadeni scrive:

    Doi dì fa ie à quintaa sü quista “storia” e ün grüp da dona ticinesa.
    Üna da leir l’à dic ca sagond le, i oman i àn la facultà da fär pareir semplice lan roba cumplicäda e da cumplicär lan roba semplice.
    Ie ‘m poss imaginär ca i oman i penzan la listessa roba da lan dona!
    Impurtant l’é cunvivar in armonia, lasciand ca ognün fägia quel ca ai riesc mear.
    Renata

Commenta questo articolo








8 − = cinque

Notizie in tempo reale

Avvisi

Ora legale

orologio

Nella notte di domenica 31 marzo l’orario andrà portato avanti di un’ora.

Esposizione bovina al Palazzo Castelmur

Bovini

Annullata causa maltempo.

Partecipa al sondaggio

Sondaggio

Irene Giovanoli sta preparando il lavoro di maturità ed invita a partecipare al sondaggio.

Commenti recenti

Inserzione a pagamento

Satira di Bregaglia

Satira bregagliotta

8krumn

Per sorridere un po’.