Non avrete il mio odio

Nella tragica notte di venerdì 13 novembre a Parigi c’erano anche bregagliotte e bregagliotti. Si erano recati nella capitale di Francia per festeggiare in modo speciale i loro 50 anni.

Fortunatamente tutto il gruppo è riuscito a fare ritorno sano e salvo alle proprie case, alle proprie famiglie.

Alcuni giorni fa il giornalista Antoine Leiris ha pubblicato sul proprio profilo Facebook una lettera, ricordando colei che a casa non ha fatto ritorno. Grazie al prezioso contributo di Renata Giovanoli-Semadeni ve la proponiamo in bregagliotto.

“Vendardì seira u vé rubaa la vita d’üna parsuna eceziunäla, l’amur da la mi vita, la mama dal me fi, epür u varassas mia al me odio. Ie sà mia ci c’u sé e ie ‘l vöi mia gner saveir. Vualtri u sé animan morta. Sa quisto Signur ca vualtri u gé ca ‘v disc da mazzär as à fac e si sumiglianza, ogni colp ent al corp da la mi dona al sarà giü üna farida ent al se cor. Par quel io nu ‘v fac mia al ragal da ‘v odiär. Al füss tanco cedar e la listessa ignoranza ca l’à fac da vualtri quel ca u sé. Vualtri u vulessas ca ie abbia tema, ca ie guardass i me cuncitadin cun difidenza, ca ie sacrificass la mi libertà par la sicürezza. Ma la vossa l’é üna bataglia perza.

Ie l’à avdüda quista duman. Finalmente, dopo nöc e dì ca ie à giü da speciär. L’era bela tanco incura ca l’é indacia or da l’üsc vendardì seira, bela tanco incura ca ie ‘m sun inamuraa da le dapü che 12 agn fà. L’é clair ca ie sun devastaa dal dulur, ie ‘v cunced quista pita vitoria, ma la sarà da ciörta düräda. Ie sà ca le la cumpagnarà i noss dì e ca um as trovarà da növ ent quel paradis da lan anima libra indua ca vualtri nu pudarassas mai gnir ent. Am sé rastaa in doi, al me fi e ie, ma am sé pü fort che tüc i esercit dal mond. Ie à mia altar temp da ‘v dedicär, ie à d’indär e tör sü al Melvil ca ‘s desda dal se sonin. L’à pena 17 meis e al fagiarà marenda tanco tüc i dì e pö am fagiarà spass insemal, tanco tüc i dì, e par tüt la si vita quisto pit matin av fagiarà l’afrunt da essar libar e cuntent. Parcié ca no, vualtri nu varassa mai gner al se odio”.