Bregagliotto, Cultura, Home, a-GRit

Al tempuräl

8 settembre 2015 3 commenti

Per la giornata mondiale dell’alfabetizzazione. Poesia in dialetto di Soglio.






D’i agn novanta am gea sü i munt cui prozii in vacänza, am sera pitt e magari ‘s manchea ün zic da baldänza.
L’era sera e ‘l minacea, e ‘l prozio al disc ca al va e scbinoculé par marivea.
La prozia la va e la funtäna e lavé i pagn: “Pusibbul, qui pitt fügì nu völaran!”
Sulet ent la sctüa am guärda fo d’ün balcun: “Vef sentì? Saral pö giü ün trun?”
Ün salüsctar sül ciel e al tecc al tremla parche c’lé vel.
Innu ‘s vegnan in ment sctoria ca fa temma, stalla ca brüscia e sctrìa ca blastemma.
Lé chilò ca al scumenza al casot: tüc in pigiama am salta ent lan schérpa, chi in pantofla, chi cui stivai e chi e pé blot.
Am scliscia fo d’la baita tanco lingör, e’m clamma “tenti, tenti ca chilò am mör!”
Cor tanco narr par fügì d’la tampescta, rivan incuntar i prozii cun i öil fo d’la tescta.
Cun la vusc ca tremla e i cavei bagné, am quinta sü dal disasctar ca ‘m volea evité.
Ün zic i rian e ün zic i vuscian: “Impiasctar da bagai, lé mia da ve temma, ca la baita la tegn i salüsctar, cun o senza antenna!”
Am turna dadent, ün zic ‘m as sciüghenta, ün po da te cält e quasi quasi ca ‘m as indrumenta.
Gira la tescta, güerda via al lecc, runcigné sot lan querta e senza tanci manecc ai ie al fré pü pitt, dascmanché da tücc, ca’l drom pacific tanco ün ciücc!

Elena Giacometti



Attualmente ci sono 3 commenti

  1. scrive:

    Quantan storia da quinté sù dai nos munt! La prossima lé quella dala cena “scadüda” ;-)
    Elisa

  2. scrive:

    Complimenti. L’ho letta con piacere e m’è piaciuta tanto, la sua poesia.
    Ne scriva ancora…
    Danilo Nussio

  3. scrive:

    Propi bela la te puisia. Scrivan änca!

    Manuela

Commenta questo articolo








+ cinque = 6

Notizie in tempo reale

Avvisi

Concorso pubblico

PGi_nuovo_150

La Pro Grigioni Italiano mette a concorso il posto di
Collaboratore / collaboratrice per l’attività della Pgi in Engadina (impiego 20%).

Inserzione a pagamento

Videostoria