Calendamärz

La Nelli Cortabatti l’à descric inscì ben la festa pü sulvadga da l’ann.







Calendamärz, Calendamärz
Sü bagai canté e fé värz,
Cun lan vossa vusc sincera
Sü clamé la prümavera.

Calendamärz, Calendamärz
Sü bagai coré e fé värz,
Ca nuältar am sé cuntent
Sa l’invern mandé davent.

Calendamärz, Calendamärz
Ca da dodasc tü sé al tärz,
Cun i te brüsch cambiament
Tü sumea ä la gent.

Scumenzä l’ä già al märz
E sa al temp nul fa brüt scärz,
Tüt al vess iss da ‘s dasdä
Quel ca la nev vea quatä.

Tüc i mot rinverdirann
Tüt lan plänta flurirann,
E la buna terra scüra
L’as darà tanta verdüra.

Al nirà är i dì pü bei
Per i vec e pei ulcei,
E pär tüt lan pora creatüra
Ca per lur l’invern l’ä na turtüra.

Sü bagai canté e fé värz
La vossa età l’ä propi al märz,
Cun lan vossa vusc sincera
Sé dal mond la prümavera.

Nelli Cortabatti / dialet da Castasegna