Bond al vea ün grand bel löghet

//riceviamo e pubblichiamo\\
Un contributo del direttivo di Manuela Filli-Salis, Bondo.

Bond l`era ün grand bel paiset
cun tantan gasa e tanci fäncet.
Ma da cur ca al Cengal l`ha bütä giò al granit
l`ha scumanzä al casinit.

Al Municipi as se tant dacc da fä
par salvä, giüdä e cunciä
e certo a mal l`ha propi da ringraziä!

L`é da ün quai dì ca però la gent le rabiusa
anzi, mear dicc l`é propi delusa.
Al cor vif dal pais
stroncä senza gnänca ün avis!

Sci, sci, m`ha capì
ca cun lan legge ca vigian oggidì
le poc da fä cuntar chi
al reclama parché la prassi as s`ha mia seguì!

Però nuältar am täsch mia giò
la gent ca la vif chilò
l`urla quasi tüta: “Inscia no!”.
Specialment e la sciura da davent
ca dapü che na volta, teneval ben present
dal parco la caciä i fäncet
parchè i fagean tropi verset!

E al colmo da la storia
l`é ca ringraziä am po propi quista zicoria
padruna da üna cäsa cun i scür sempar sarä
e ca in tüci quisti agn in pais i ha mai incunträ!

Bond al vea ün grand bel löghet
perdü cun grand displager da fäncet fin velet.
Isa e la gent ca vegn chilò d`oltre Sett
a mai disch cler e nett:

“Adatevas e i nos costüm
am vif mia ent ün museüm!”

Manuela Filli-Salis
Bond, 6 avril 2023