Bregagliotto, Cultura, Home, a-GRit

Al növ Ann l’à scumanzaa

7 gennaio 2021

Di Renata Giovanoli-Semadeni.

Ai é dì, indua ca tüt al và sü dalunga e senza tanci sforz e panzeir.
Incura ca ‘s trova lan roba ca’s cerca e lan idea, par fär vargot da növ, la vegnan dree man.
Ognitant, senza veir fac grangi piani, as as met dree e fär pulizia e tüt al và lisc tanco l’öli.
I en rär  quii mument, e l’é dai ciapär svelt, prüma che ca la vöia la passa!
Quist ann par ie l’à scumanzaa propi ben. Am sé stac pacifich e ciäsa e am à godü al blanch da la neiv növa e la luce dal sul, ca lan nüvleta fina e ligeira la rifletan fin gió la nossa val. Lan pizza, issa blanca, l’en anca pü bela e la spican ent i mument da ceil blavet.
Par via da la mascrina, ca ie à da metar sü, tanco tüc, ent la butega, ie nu riv mia da tagnir sü i ugiäi. As forma sü ün vapur e ie nu vezz pü nagot. Par quel ie ‘i töi gió, ma incura ca ‘s trata da pagär, ie vezz mia al valur da la muneidina pita. L’altar dì gió la butega ie vea da pagär 31 franch e 70. Senza cumplicär lan roba, ie à svöidaa ora tüt la muneida sül banch e ie à dic e la Jasmin da tör or le, quel ca la trova. U ingiuinarassas mai, quanci rapan ca l’à quintaa… Scì, propi 31.70!
In quel mument am à riü tütan dua e ie à dic bel fort: “Sa l’ann növ al cuntinua inscìa, l’ingiarà tüt lisc tanco l’öli!”
E er inciö l’à scumanzaa tüt ben. Ie ‘m sun laväda i cavei e ie ‘i à töc in man dalunga al fön, inveci che al brasciunin da denc, par ai sciügantär :-)
Ie sun indacia gió bass e metar ent üna machina da pagn e, prüma che gnir in sü, am é gnii in ment da tör sü da la canva üna cigola par sfarzär gió i macarun…
La nona da la Stampa, la Sina, ca la fagea güscent laureri er bii granc cun al croc, la gea sempar, ca par ca al laureri al väda ben, la vea dal scumanzär al vendardì.
Er ie à già realizaa tantan volta ca lan roba la funziunan ben al dì da Venere, forza parcié ca ie penz già e la dumenga?
Ie sper ca par tüci l’ann növ l’abbia scumanzaa ben e ca u possas riar cun legiar quel ca ie scriv!
Ie augur e tüc ün ann növ cun tanci VENDARDÌ…

Notizie in tempo reale

Ci piace segnalare

Diretta da Soglio

Soglio

Nella trasmissione “Il Quotidiano” di venerdì. Ore 19, La 1.

Avvisi

Rinviato il Val Bregaglia Trail

TrailBregaglia

La corsa prevista per il 25 aprile non potrà svolgersi.

Divieto assoluto di accendere fuochi all’aperto

Divieto

La misura è attiva nel Canton Ticino, nel Moesano e in Val Bregaglia.

ARTipasto posticipato

BET

Bregaglia Engadin Turismo informa che le manifestazioni si terranno dal 13 al 16 maggio.

Vignette bregagliotte

La vignetta della settimana

162728987_3798931683524878_251151877546764326_n

Per sorridere un po’.